QAZAXISTAN PREZİDENTİ OKTYABRIN 3-DƏ GÜRCÜSTANA GƏLƏCƏKDİR

01.10.2005 [13:34]
Çap et
A⁺ A^-

AZƏRTAC-ın xüsusi müxbiri xəbər verir ki, Qazaxıstan Prezidenti Nursultan Nazarbayev oktyabrın 3-də Gürcüstana gələcəkdir. Qazaxıstan nümayəndə heyətinin üzvləri isə artıq sentyabrın 29-dan Tbilisidədirlər.

Gürcüstan İqtisadi İnkişaf Nazirliyində Gürcüstan-Qazaxıstan hökumətlərarası iqtisadi komissiyanın qapalı iclası keçirilmişdir. İclasın iştirakçıları nəqliyyat, energetika, xarici ticarət, ətraf mühitin mühafizəsi, kənd təsərrüfatı və maliyyə problemləri ilə yanaşı, Qazaxıstan Prezidentinin Gürcüstana səfəri ilə bağlı məsələləri də müzakirə etmişlər. İqtisadi inkişaf naziri İrakli Çoqovadzenin sözlərinə görə, danışıqlarda bildirilmişdir ki, Gürcüstan tərəfi ölkənin qaz təminatında mövcud problemlərin aradan qaldırılmasının alternativ yolu olaraq Qazaxıstan qazının alınmasına üstünlük verir.

Qazaxıstan Prezidentinin Gürcüstana səfəri oktyabrın 4-də başa çatacaqdır.