Qazaxıstan Türkmənistanla dəniz ticarətini inkişaf etdirməkdə maraqlıdır
Nur-Sultan, 30 aprel, AZƏRTAC
Qazaxıstan Türkmənistanla dəniz ticarət əlaqələrini inkişaf etdirməkdə maraqlıdır.
AZƏRTAC Qazaxıstanın Sənaye və İnfrastruktur İnkişaf Nazirliyinə istinadla xəbər verir ki, nazir Beybut Atamkulovun Türkmənistanın Qazaxıstandakı fövqəladə və səlahiyyətli səfiri Batır Rejepovla görüş zamanı ölkələr arasında ticarət-iqtisadi əməkdaşlıq məsələləri müzakirə edilib.
Dəniz ticarəti kommunikasiyalarının inkişafı nəzərdən keçirilib.
Nazir Aktau və Türkmənbaşı dəniz limanları arasında yükdaşımaların, o cümlədən fider daşımalarının inkişafına xüsusi diqqət yetirib.
Türkmənistan tərəfi Qazaxıstan müəssisələrinin məhsullarının alınmasında, yüklərin bütün istiqamətlərdə tranzitinin genişləndirilməsində maraqlı olduğunu qeyd edib.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
