Qazaxıstanda Türküstan şəhərinin xüsusi statusuna dair qanun layihəsi təqdim edilib
Astana, 18 sentyabr, AZƏRTAC
Qazaxıstan parlamentində "Türküstan şəhərinin xüsusi statusu haqqında" qanun layihəsi təqdim edilib.
AZƏRTAC xəbər verir ki, qanun layihəsinin hazırlanması iki amillə şərtlənir: Türkdilli Dövlətlərin Əməkdaşlıq Şurası tərəfindən Türküstanın Türk dünyasının mənəvi paytaxtı kimi tanınması və şəhərin tarixi görkəminin və tarixi-mədəni irs obyektlərinin qorunması zərurəti ilə.
Qanun layihəsinin hazırlanması zamanı Azərbaycan, İtaliya, Özbəkistan və bir sıra digər ölkələrin tarixi abidələrin qorunması təcrübəsi öyrənilib.
Layihə Türküstan şəhərinin arxeoloji abidələr qoruğunun yaradılmasını, Xoca Əhməd Yəsəvi məqbərəsi ətrafında tikinti işlərinin məhdudlaşdırılmasını, habelə yerli sahibkarların və sənətkarların dəstəklənməsi tədbirlərini nəzərdə tutur.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
