“Qəbələ”nin iki karateçisi İsveçrədə fəxri kürsünün ən yüksək pilləsinə qalxıb
Bakı, 3 sentyabr, AZƏRTAC
“Qəbələ” idman klubunun karateçiləri növbəti uğura imza atıblar. Azərbaycan milli komandasının heyətində yer alan Rafael Ağayev və Rafiz Həsənov İsveçrənin Bazel şəhərində keçirilən IX “Open Masters-2018” turnirində fərqləniblər.
AZƏRTAC xəbər verir ki, R.Ağayev 75, R.Həsənov isə 67 kiloqram çəki dərəcəsində bütün rəqiblərinə qalib gələrək fəxri kürsünün ən yüksək pilləsinə qalxıblar. İdmançılarımız yarışın qalibi kimi kubokla təltif olunublar.
Xatırladaq ki, Azərbaycan yığması turnirdə, ümumilikdə 11 mükafata yiyələnib. Bunlardan dördü 1-ci, dördü 2-ci, üçü isə 3-cü yer üçün təqdim olunub.
Bölmənin digər xəbərləri
