Qərbi Benqalda koronavirusun yeni təhlükəli ştamı aşkarlanıb
Bakı, 28 may, AZƏRTAC
Hindistanın Qərbi Benqal əyalətində həkimlər koronavirusun əvvəllər məlum olmayan yeni ştamını müəyyən ediblər. Onun genomunda İngiltərə və Cənubi Afrikada aşkarlanmış SARS-CoV-2 versiyaları üçün xarakterik olan bir neçə əsas mutasiyalar mövcuddur.
AZƏRTAC TASS informasiya agentliyinə istinadla xəbər verir ki, alimlər öz tədqiqatları barədə “medRxiv” portalında məlumat dərc ediblər.
Alimlər son yarım ildə eyni vaxt ərzində koronavirusun bir neçə yeni ştamlarını aşkarlayıblar ki, bu da artan yoluxma nəticəsində SARS-CoV-2-nin bundan əvvəlki növlərini çıxarmağa başlayıb. Onların sırasına Britaniya, Braziliya və Cənubi Amerika virusu adlanan növlər daxildir.
Daha bir oxşar ştam (B.1.617.1) ötən il noyabr ayının sonunda Hindistan ərazisində peyda olub. Bu ştam koronavirusun digər növlərindən E484Q və L452R-in iki əsas mutasiyası ilə fərqlənir. Ehtimal olunur ki, onlar B.1.617.1 ştamının yoluxma qabiliyyətini artırır və anticisimlərə qarşı müqavimətini təmin edir.
Kəlkütdəki Bağırsaq Xəstəliklərinin Tədqiqatı İnstitutunda çalışan Mamta Çavla-Sarkarın rəhbərliyi altında həkimlər bu yaxınlarda Hindistanın qərb regionlarında koronavirusun daha bir potensial təhlükəli növünü aşkarlayıblar.
Alimlər bu ilin birinci rübündə Hindistanın müxtəlif regionlarında yeni koronavirus növünə yoluxmuş 2 mindən çox sakinin bəlğəm və digər bioloji mayelərin nümunələrini analiz ediblər. Qərbi Benqal vilayətindən götürülən nümunələrin təqribən 16 faizində koronavirusun bundan əvvəl məlum olmayan GRL versiyaları aşkarlanıb.
Bölmənin digər xəbərləri
