Qida mütəxəssisləri enerji içkilərinin orqanizmə təsiri ilə əlaqədar yeniyetmələrə vebinar keçiblər
Bakı, 28 aprel, AZƏRTAC
Azərbaycan Qida Təhlükəsizliyi İnstitutunun mütəxəssisləri Respublika Uşaq-Gənclər İnkişaf Mərkəzinin (RUGİM) üzvlərinə vebinar keçiriblər.
İnstitutun İctimaiyyətlə əlaqələr və maarifləndirmə departamentindən AZƏRTAC-a verilən məlumata görə, vebinarda mərkəzin üzvlərinə qida təhlükəsizliyi sahəsində həyata keçirilən maarifləndirici tədbirlər haqqında ətraflı məlumat verilib, enerji içkilərinin insan orqanizminə təsiri mövzusunda təqdimat edilib.
Təqdimatda enerji içkilərinə dair sanitariya norma və qaydaları, onların daşınma, qablaşdırma və etiketlənmə qaydaları, həmçinin insan orqanizminə təsiri haqqında ətraflı məlumat verilib, iştirakçıların mövzu ilə əlaqədar sualları cavablandırılıb.
Vebinarın keçirilməsində əsas məqsəd məktəblilər arasında sağlam qidalanmanın təşviqi, qida təhlükəsizliyi anlayışının təbliğ edilməsi və onlara qida təhlükəsizliyi vərdişlərinin aşılanmasıdır.
Bölmənin digər xəbərləri
