Qırğızıstanla Türk Şurası arasında əməkdaşlığın inkişafı məsələləri müzakirə olunub
Bişkek, 29 yanvar, AZƏRTAC
Qırğızıstanın xarici işlər naziri Ruslan Kazakbayev ölkənin yeni seçilmiş Prezidentinin andiçmə mərasimində iştirak etmək üçün bu ölkədə səfərdə olan Türkdilli Dövlətlərin Əməkdaşlıq Şurasının Baş katibi Bağdad Amreyevlə görüşüb.
AZƏRTAC Qırğızıstan Xarici İşlər Nazirliyinin mətbuat xidmətinə istinadla xəbər verir ki, görüşdə rəsmi Bişkeklə Türk Şurası arasında əməkdaşlıq məsələləri müzakirə edilib.
Ruslan Kazakbayev türkdilli dövlətlərlə əlaqələrin genişləndirilməsi istiqamətindəki fəaliyyətinə görə Türk Şurasına minnətdarlığını ifadə edib, gələcək fəaliyyətində quruma uğurlar arzulayıb.
Bağdad Amreyev türk dünyasında əməkdaşlığın əsas istiqamətlərini müəyyənləşdirən “Türk dünyasına baxış-2040” və “2020-2025-ci illərdə Türk Şurasının Strategiyası” adlı sənədlərin layihəsini nazirə təqdim edib.
Qulu Kəngərli
AZƏRTAC-ın xüsusi müxbiri
Bişkek
Bölmənin digər xəbərləri
