Qlobal temperatur artımı iki dərəcədən az ola bilər
Bakı, 5 noyabr, AZƏRTAC
Qlazqoda keçirilən iqlim konfransında verilən bütün vədlərə əməl olunarsa, qlobal temperatur artımı Selsi üzrə iki dərəcədən az ola bilər. AZƏRTAC xəbər verir ki, bunu Beynəlxalq Enerji Agentliyinin rəhbəri Fatih Birol bildirib və ekoloq alimlər bu qiymətləndirməni böyük həvəslə qarşılayıblar.
"İki gün əvvəl biz temperaturun 2,7 ° C yüksələcəyi proqnozunu əsas götürürdük, indi söhbət 1,9 ° C-dən gedir, bu çox böyük fərqdir", - deyə Potsdam İqlim Dəyişmələri Tədqiqat İnstitutunun elmi direktoru Yohan Rokstryom qeyd edir. “Məsələ ondadır ki, Hindistan da bu işə qoşulur və 2070-ci ilə qədər sıfır neytrallıq vəd edir. Əhəmiyyətsiz görünsə də, bu çox vacib amildir və nəticədə temperatur cəmi 1,9°C yüksələcək”.
Xatırladaq ki, Qlazqoda keçirilən konfransda Azərbaycan iqlim dəyişikliyi üzrə Paris sazişi çərçivəsində yeni, yəni müasir texnologiyalara əlçatanlığın təmin edilməsi və Konvensiyanın müvafiq mexanizmləri eləcə də maliyyə institutları tərəfindən dəstəklənməsi şərti ilə 2050-ci ilə qədər 1990-cı illə müqayisədə tullantıları 40 faiz azaltmaq niyyətlərini bəyan edib.
Bölmənin digər xəbərləri
