QOCAMAN AKTYORUN YARADICILIQ GECƏSİ
Azərbaycan Mədəniyyət Fondu qocaman aktyor Müxtar Avşarovun yaradıcılıq gecəsini keçirmişdir.
Aktyorun sənət dostlarının -“Sönməyən ulduzlar” assosiasiyası üzvlərinin iştirak etdiyi gecəni Mədəniyyət Fondu İdarə Heyəti sədrinin birinci müavini Rafiq Kaşanlı açaraq, Muxtar Avşarovun Gəncə teatrından başlayan və 70 ilə yaxın davam edən yaradıcılıq yolundan danışdı.
Xalq artistləri Muxtar Maniyev, Tariyel Qasımov, Mədəniyyət və İncəsənət Universitetinin dosenti Könül Axundova, “Sönməyən ulduzlar” assosiasiyasının sədri, xalq artisti, bəstəkar Azər Rzayev və başqaları qocaman aktyorumuzun sənətkarlıqla yaratdığı silsilə obrazlardan söz acdılar, ona yeni yaradıcılıq uğurları arzuladılar.
Gecədə Məmməd Salmanovun və Zemfira Quliyevanın ifasında Azərbaycan xalq mahnıları və bəstəkarlarımızın əsərləri səsləndirildi.
Axırda Muxtar Avşarov tədbir iştirakcılarına minnətdarlığını bildirdi.
Bölmənin digər xəbərləri
