Quba “ASAN Həyat” Kompleksində Bahar festivalı keçiriləcək
Quba, 27 fevral, Elxan Yusifli, AZƏRTAC
Martın 2-dən başlayaraq Quba “ASAN Həyat” Kompleksində Bahar festivalına start verilir. Festivalda İran, Türkmənistan və Özbəkistanın nümayəndə heyətləri öz ölkələrinə məxsus guşələrdə adət-ənənələrini nümayiş etdirəcəklər.
AZƏRTAC-ın bölgə müxbiri xəbər verir ki, Azərbaycan Respublikasının Prezidenti Yanında Vətəndaşlara Xidmət və Sosial İnnovasiyalar üzrə Dövlət Agentliyinin və Quba Rayon İcra Hakimiyyətinin birgə təşkilatçılığı keçiriləcək festival dörd gün davam edəcək. Festival çərçivəsində martın 3-ü saat 15:00-da tanınmış incəsənət ustalarının iştirakı ilə möhtəşəm konsert proqramı təşkil olunacaq.
Bahar festivalı martın 5-dək hər gün səhər saatlarından başlayaraq gün ərzində davam edəcək.
Bölmənin digər xəbərləri
