“Qurmet” Kulinariya Festivalı bu il keçirilməyəcək
Budapeşt, 21 may, AZƏRTAC
Budapeşt üçün ənənəvi olan məşhur “Qurmet” Kulinariya Festivalı koronavirus pandemiyası ilə əlaqədar bu il keçirilməyəcək.
AZƏRTAC xəbər verir ki, təşkilatçılar bununla bağlı yaydıqları məlumatda festivalın gələn il mütləq keçiriləcəyini vəd edirlər.
Məlumatda deyilir: “Biz hökumətin gördüyü tədbirləri, hakimiyyət və tərəfdaşlarımızla məsləhətləşmələrin nəticələrini diqqətə alaraq belə qənaətə gəldik ki, bu il “Qurmet” festivalını keçirə bilməyəcəyik. Təhlükəsizlik həmişə prioritetdir. Biz daxili və beynəlxalq hadisələri nəzərə alaraq, qonaqlarımız üçün məsuliyyəti öz üzərimizə götürmək kimi çətin bir qərar aldıq”.
Satılmış biletlərin haqqı bir ay müddətində ödəmənin edildiyi bank kartlarına qaytarılacaq.
Pərvanə Qarayeva
AZƏRTAC-ın xüsusi müxbiri
Budapeşt
Bölmənin digər xəbərləri
