Qvadelupada etiraz tətili vəziyyəti daha da mürəkkəbləşdirə bilər
Paris, 18 oktyabr, AZƏRTAC
Fransanın müstəmləkəsi olan Qvadelupada işçilərin etiraz tətilinə görə bütün “Albioma” mərkəzlərində elektrik enerjisi istehsalı dayandırılıb.
AZƏRTAC xəbər verir ki, tətil hərəkatı “Albioma”nın xüsusən arxipelaqda, Reünyon adasında və Martinikdə elektrik enerjisi istehsal edən bütün sahələrinə təsir edib. Aidiyyəti həmkarlar ittifaqlarının təşəbbüsü ilə başlanan və elektrik enerjisi istehsalı bölmələrinin bağlanmasına səbəb olan tətil hərəkatının oktyabrın 21-dək davam edəcəyi bildirilib.
Fransada termal obyektlərdə mütləq çoxluğa sahib olan həmkarlar ittifaqları tətil hərəkatının maksimim sərtləşdirilməsinə dair qərar verilməsi üçün yeni ümumi yığıncaq keçirilməsini planlaşdırırlar.
Bildirilir ki, 5 kommunada təxminən 18 min 500 evdə elektrik kəsilib. Tətil davam etdirilərsə və aidiyyəti tərəflər arasında razılaşma olmazsa, vəziyyət daha da mürəkkəbləşə bilər.
Bölmənin digər xəbərləri
