Rəhman Hümmətov: Azərbaycanda logistika xidmətləri vahid rəqəmsal platformada birləşdirilir
Bakı, 16 iyul, AZƏRTAC
“Bir Pəncərə” platforması dövlət qurumları ilə biznes arasında qarşılıqlı əlaqələrin daha çevik və şəffaf təşkilinə xidmət edəcək.
AZƏRTAC xəbər verir ki, bu sözləri rəqəmsal inkişaf və nəqliyyat nazirinin müavini Rəhman Hümmətov "Bir Pəncərə" Rəqəmsal Logistika Platformasının rəsmi təqdimatı zamanı deyib.
Onun sözlərinə görə, sistem məlumatlandırma, elektron xidmətlər, rezervasiya və hesabatlılıq modullarını özündə birləşdirərək daşıyıcılar, ekspeditorlar və digər logistika iştirakçıları üçün vahid rəqəmsal mühit formalaşdıracaq.
R.Hümmətov qeyd edib ki, platforma vasitəsilə logistika əməliyyatlarının real vaxt rejimində izlənilməsi, tərəfdaşlarla elektron əməkdaşlıq və dövlət qurumları ilə biznes subyektləri arasında operativ məlumat mübadiləsi təmin olunacaq.
Bölmənin digər xəbərləri
