RƏŞİD BEHBUDOVUN XATIRƏSİNƏ HƏSR OLUNUR
AZƏRTAC-ın müxbiri xəbər verir ki, Rəşid Behbudovun adını daşıyan teatrın kollektivi Fəxri xiyabanda Azərbaycan xalqının ümummilli lideri Heydər Əliyevin və görkəmli müğənni Rəşid Behbudovun məzarlarını ziyarət etmişlər.
Azərbaycan Dövlət Mahnı Teatrında unudulmaz sənətkarın xatirə gecəsi keçirilmişdir. Məlahətli səsi və orijinal ifa tərzi ilə qəlblərdə yaşayan Rəşid Behbudovun sənət dostlarının, yetirmələrinin, Mahnı Teatrının instrumental ansamblının,”Çıraq” estrada, rəqs qruplarının çıxışları hərarətli alqışlarla qarşılanmışdır. Böyük sənətkarın repertuarından mahnılar oxunmuşdur. Xalq artisti Oqtay Ağayev, əməkdar artistlər Mübariz Tağıyev, Gülyaz və Gülyanaq Məmmədovalar, Vaqif Şıxəliyev, Teymur Əmrah və digər müğənnilərin ifaları, böyük sənətkara ithaf olunan əsərlər iştirakçıların qəlbində xoş duyğular yaratmışdır.
Bölmənin digər xəbərləri
