RESPUBLİKA BANKI 35 GÜNLÜYƏ 2000 DOLLARADƏK FAİZSİZ KREDİT VERİR
Respublika bankının plastik kart üzrə kredit xətti getdikcə daha faydalı olur. AZƏRTAC xəbər verir ki, bir il xidmət göstərən kartın özünün pulsuz olması ilə yanaşı, martın 1-dən başlayaraq GRACE PERİOD-un məbləği 2 dəfə artaraq, MasterCard Standard plastik kartı üzrə 1000 ABŞ dolları (1000 AVR və ya 5 000 000 AZM), MasterCard Gold plastik kartı üzrə isə 2000 ABŞ dolları (2000 AVR və ya 10 000 000 AZM) təşkil edəcəkdir. GRACE PERİOD da MasterCard Platinum plastik kartı üzrə 5000 dollaradək (5000 AVR və ya 25 000 000 AZM) artacaqdır. GRACE PERİOD cari ayda müştərinin kredit xətti çərçivəsində xərclənən və növbəti ayın 4-cü iş gününədək ödənilmiş güzəştli məbləğdir. Onun üzərinə faiz qoyulmur. Beləliklə, bankın müştərisinin 35 gün ərzində faiz ödəmədən 2000 ABŞ dolları məbləğində kredit götürmək imkanı vardır.
Bölmənin digər xəbərləri
