RESPUBLİKA ƏLİLLƏRİ BƏRPA MƏRKƏZİNDƏ SEMİNAR
Yanvarin 17-də Respublika Əlilləri Bərpa Mərkəzində “Azərbaycanda əlillərə göstərilən reablitasiya xidmətinin yaxşılaşdırılması” layihəsi ilə bağlı seminar keçirilmişdir.
Seminarı Respublika Əmək və Əhalinin Sosial Müdafiəsi nazirinin müavini Tahir Budaqov açaraq Yaponiya Beynəlxalq Əməkdaşlıq Agentliyinin Qrand Yardımları Departamenti nümayəndələrinin iştirakı ilə keçirilən seminarın əhəmiyyətindən və bu tədbirin məqsədlərindən danışdı.
Yaponiya-Beynəlxalq Əməkdaşlıq Təşkilatı Qrand Yardımları Departamentinin layihə üzrə direktor müavini, Azərbaycana gəlmiş qrupun rəhbəri Şinci Totsuka təmsil etdiyi qurumun fəaliyyəti barədə qısa məlumat verdi.
“Azərbaycanda əlillərə göstərilən reablitasiya xidmətinin yaxşılaşdırılmasl” layihəsinin texniki məsləhətçisi, Tohoku Universitetinin professoru Yoşiko Tobimatsu Yaponiyada əlillərin reablitasiyasının təşkil edilməsi, əlillərə dövlət səviyyəsində qayğı göstərilməsi barədə məruzə etdi. Sonra bu barədə video-lent nümayiş etdirildi.
Seminar elə həmin gün öz işini başa çatdırdı.
Bölmənin digər xəbərləri
