Respublika Seysmoloji Xidmət Mərkəzində növbəti dəfə dezinfeksiya işləri aparılıb
Bakı, 19 iyun, AZƏRTAC
Nazirlər Kabineti yanında Operativ Qərargahın COVID-19 virusuna qarşı mübarizə tədbirlərinin gücləndirilməsi məqsədilə iş yerlərində işçilər arasında sosial məsafənin qorunması və otaqların mütəmadi olaraq dezinfeksiya edilməsi ilə bağlı tələb və qaydalarına uyğun olaraq, iyunun 19-da Azərbaycan Milli Elmlər Akademiyası nəzdində Respublika Seysmoloji Xidmət Mərkəzində növbəti dəfə dezinfeksiya işləri aparılıb.
Mərkəzin informasiya şöbəsindən AZƏRTAC-a bildiriblər ki, qurumun əməkdaşlarının çalışdığı iş otaqları, eləcə də laboratoriyalar yenidən dezinfeksiya olunub.
Həmçinin mərkəz rəhbərliyinin göstərişi əsasında əməkdaşlara qoruyucu maskalar paylanılıb. İş otaqlarında işçilərin maskadan istifadə edilməsi və sosial məsafənin saxlanılması ilə bağlı rəsmi qaydalara riayət olunur. Bütün iş otaqları maska, spirt və digər qoruyucu vasitələrlə təmin olunub.
Mərkəzin İnformasiya şöbəsi tərəfindən əməkdaşlar arasında mütəmadi olaraq dünyada və ölkəmizdə pandemiyanın hazırkı səviyyəsi, virusun insan sağlamlığına və həyatına yaratdığı təhlükə, ciddi karantin rejiminin qayda və tələblərinə əməl olunması ilə bağlı maarifləndirmə işləri aparılır.
Bölmənin digər xəbərləri
