RƏSSAM ELÇİN MƏMMƏDOVUN XATİRƏSİNƏ HƏSR OLUNUŞ SƏRGİ AÇILMIŞDIR
Fevralın 14-də Vəcihə Səmədova adına Sərgi salonunda görkəmli teatr rəssamı, Dövlət mükafatı laureatı, əməkdar incəsənət xadimi, mərhum Elçin Məmmədovun xatirəsinə həsr olunmuş “Kağız” beynəlxalq rəssamlar simpoziumunun yekun sərgisi açılmışdır.
Azərbaycan Rəssamlar İttifaqından AZƏRTAC-ın müxbirinə demişlər ki, sərgidə çıxış edən natiqlər təsviri sənətin müxtəlif janrlarında maraqlı əsərlər yaratmış, lakin bir fırça ustası kimi özünü teatr sənətində təsdiq etmiş Elçin Məmmədovun orijinal səhnə tərtibatından bəhs etmişlər.
Sonra sərgidə Azərbaycan, Almaniya, Dağıstan, Türkmənistan və Çexiyanın 20 rəssamının 120-dən çox əsəri nümayiş etdirilmişdir.
Bölmənin digər xəbərləri
