“RƏY” MONİTORİNQ MƏRKƏZİ PARLAMENT SEÇKİLƏRİ İLƏ BAĞLI SORĞU KEÇİRMİŞDİR
Qeyd olunmuşdur ki, 1502 respondentin iştirakı ilə keçirilən sorğu respublikanın bütün yaşayış məntəqələrini əhatə etmişdir. Hər məntəqədə respondentlər sakinlərin sayına uyğun seçilmişdir.
Rəyi soruşulanların 51,8 faizi qadınlar, 48,2 faizi kişilər, 20,7 faizi işsizlər, 19,3 faizi evdar qadınlar, 16,3 faizi fərdi əmək fəaliyyəti ilə məşğul olanlar, 15 faizi pensiyaçılar, 14,2 faizi dövlət təşkilatlarında çalışanlardır.
Respondentlərin 86,9 faizi heç bir siyasi partiyanın üzvü deyildir. “2005-ci ilin noyabrında keçiriləcək parlament seçkilərində iştirak etmək ehtimalınız nə dərəcədədir” sualına rəyi soruşulanların 63,1 faizi “tam əminəm ki, iştirak edəcəyəm” cavabı vermişdir. Respondentlərin 80 faizi Prezident İlham Əliyevin bölgələrə səfərlərinin yerlərdəki problemlərin həllinə təsirini müsbət qiymətləndirmişdir. “Əhali arasında İlham Əliyev haqqında daha çox hansı rəyə - müsbət, mənfi, yoxsa, neytral rəyə rast gəlmisiniz” sualına respodentlərin 61, 2 faizi “müsbət” cavabı vermişdir. Sorğu iştirakçılarının 72,1 faizi “əgər prezident seçkiləri qarşıdan gələn bazar günü keçirilsəydi kimə səs verərdiniz” sualının cavabında İlham Əliyevin adını çəkmişdir.
Bölmənin digər xəbərləri
