RF DÖVLƏT DUMASI TERRORİZMLƏ MÜBARİZƏDƏ BEYNƏLXALQ QARŞILIQLI FƏALİYYƏT HAQQINDA BƏYANAT QƏBUL ETMİŞDİR

22.09.2004 [23:37]
Çap et
A⁺ A^-

AZƏRTAC-ın xüsusi müxbiri xəbər verir ki, sentyabrın 22-də RF Dövlət Duması terrorizmlə mübarizədə beynəlxalq qarşılıqlı fəaliyyət haqqında bəyanat qəbul etmişdir.

Deputatların əksəriyyətinin dəstəklədiyi bəyanatda terrorizmlə mübarizədə “ikili standartlara” yol verilməsinin mümkünsüzlüyü vurğulanmışdır. Parlament üzvləri ABŞ və Böyük Britaniyanı çeçen yaraqlılarının emissarları İ.Əhmədov və Ə.Zakayevə siyasi sığınacaq verilməsi şərtlərinə yenidən baxmağa çağırmışlar. Bundan əlavə, onlar antiterror koalisiyasının iştirakçısı olan dövlətləri bu şəxsləri öz ölkələrinə buraxmamağa və onların beynəlxalq aləmdə təcrid olunması üçün tədbirlər görməyə də çağırmışlar.

Sənəddə beynəlxalq terrorizmlə mübarizədə səyləri əlaqələndirmək barədə bəyanatlardan səmərəli tədbirlərə keçilməsinin zəruriliyi də vurğulanır.