“RİTA” QASIRĞASI ABŞ-IN NEFT SƏNAYESİNƏ GÜMAN OLUNDUĞUNDAN XEYLİ ARTIQ ZİYAN VURMUŞDUR
ABŞ-ın Mineral Ehtiyatları İdarəetmə Xidmətinin açıqladığı məlumata görə, neft emalı zavodlarının təxminən 10 faizi ölkə neftinin və qazının təqribən 25 faizinin hasil olunduğu Meksika körfəzində yerləşir. Hazırda neft hasilatı əslində tamamilə, qaz hasilatı isə 78 faiz dayandırılmışdır. Buna görə də neft sənayesi hər gün təxminən 1,5 milyon barrel neft almır. Avqustun 26-dan indiyədək isə təqribən 38 milyon barrel neft alınmamışdır ki, bu da illik 7 faizə qədərdir. Həmin dövr ərzində ABŞ illik qaz hasilatının təqribən 5 faizindən məhrum olmuşdur.
“Rita” qasırğası Texas ştatının Port-Artur, Luizina ştatının Leyk-Çarlz şəhərlərində bir neçə iri neft emalı zavoduna ciddi ziyan vurmuşdur. Mütəxəssislərin fikrincə, onların bərpasına bir neçə ay vaxt lazımdır.
Bölmənin digər xəbərləri
