Robot-maşın
Bakı, 10 avqust (AZƏRTAC). ABŞ-ın Nevada ştatının hökuməti “Google” şirkətinin hazırladığı robot-maşınların küçələrdə hərəkətinə rəsmi olaraq icazə vermişdir. Artıq bu maşınlar ümumilikdə 300 min kilometr yol qət ediblər. Pilotsuz avtomobillərin hazırlanması ABŞ-ın Stenford Universitetinin professoru Sebastian Urmsonun rəhbərliyi ilə həyata keçirilir.
Azərbaycan Milli Elmlər Akademiyasının İnformasiya Texnologiyaları İnstitutundan AZƏRTAC-a bildirmişlər ki, “Computerworld” jurnalının məlumatına görə, maşının idarəolunma prinsipi belədir. lazer məsafəölçəninin köməyi ilə avtomobil ətrafın üçölçülü modelini yaradır. Sonra isə maneələri dəf etmək və yol hərəkəti qaydalarına əməl etmək üçün modeli Yer kürəsi xəritəsi ilə müqayisə edərək marşrut çəkir. Maşın, həmçinin ətrafdakı vəziyyət haqqında hərtərəfli məlumat əldə etməni təmin edən bir sıra sensorlarla təchiz olunmuşdur.
Bir tərəfdən, robot-maşın elə proqramlaşdırılmışdır ki, küçəni keçən piyadalara yol verərək onlara maksimum güzəştə gedir. Eyni zamanda yol ayrıcında hərəkət zamanı ardıcıllıq qaydalarına riayət etməyən avtomobillərə aqressiv münasibət göstərir. Robot yol ayrıcına keçir və birinci dönəcəyini başa salır.
Bölmənin digər xəbərləri
