ROJERİU DÜNYA FUTBOLU TARİXİNDƏ ƏN ÇOX QOL VURAN QAPIÇI OLMUŞDUR
Beləliklə, Seni Paraqvay yığmasının qapıçısı Xose Luis Feliks Çilavertə məxsus əvvəlki rekordu (62 qol) təzələmişdir.
Seni birinci topunu 1997-ci ildə San-Paulu ştatının çempionatı çərçivəsində “Uniau San-Joze” klubu ilə oyunda vurmuşdur. O vaxtdan bəri bu futbolçu cərimə zərbələri ilə 41 dəfə və 11 metrlik zərbələrlə 23 dəfə rəqibləri oyuna meydanın mərkəzindən başlamağa vadar etmişdir.
Çox güman ki, 36 yaşlı Seni bu nailiyyətlə kifayətlənməyəcəkdir. Belə ki, hazırda Braziliya milli çempionatının qızğın çağıdır və turnir cədvəlinə Seninin dəqiq zərbələri sayəsində “San-Paulu” klubu başçılıq edir.
Bölmənin digər xəbərləri
