ROMANO PRODİ İTALİYA QOŞUNLARINI İRAQDAN ÇIXARMAQ NİYYƏTİNDƏDİR
O demişdir ki, İraq liderləri ilə danışıqlar aparmışdır və onun fikrincə, ölkədə vəziyyət hələ də nəzarət altında deyildir.
İtaliya Nazirlər Kabinetinin başçısı Yaxın Şərqdə gərginliyin artmasından narahatlığını ifadə etmişdir. O demişdir ki, Fələstinlə İsrail arasında qarşılıqlı münasibətlərə nikbinliklə yanaşmır. Baş nazir əlavə etmişdir ki, Fələstin əhalisi ağrılı şəraitdə yaşayır.
Prodi Tunis hökumətinin mövqeyini dəstəkləyərək, İsrail aviasiyasının Livan səmasında uçmasından narahat olduğunu demişdir. Onun sözlərinə görə, BMT sülhməramlıları bu uçuşları barışıq şərtlərinin pozulması kimi qiymətləndirirlər. Livana ən böyük xarici kontingent - 2,5 min “mavi dəbilqəli” göndərmiş İtaliyanın lideri vurğulamışdır ki, Livanın suverenliyinin təmin olunması üçün hər şey ediləcəkdir.
Bölmənin digər xəbərləri
