Rövşən Nəcəf: SOCAR-ın tarixində yeni bir səhifə açılır
Şuşa, 4 iyun, AZƏRTAC
SOCAR-ın tarixində yeni bir səhifə açılır.
AZƏRTAC xəbər verir, bu sözləri SOCAR-ın birinci vitse-prezidenti, prezident vəzifəsini müvəqqəti icra edən Rövşən Nəcəf Bakı Enerji Həftəsi çərçivəsində Şuşada keçirilən “Xalis sıfıra aparan yol: Qarabağ və Şərqi Zəngəzur iqtisadi rayonlarında yaşıl enerji potensialının inkişafı” adlı xüsusi sessiyada deyib.
Qeyd edib ki, SOCAR korporativ strategiyasında özünü enerji şirkəti kimi görür: “Regionun enerji təhlükəsizliyinin təmin olunmasında əsas oyunçu kimi fəaliyyətimizi davam etdirəcəyik. SOCAR-ın tarixində yeni bir səhifə açmaqdayıq. Söhbət alternativ enerji mənbələrindən gedir. Amma hazırda ənənəvi enerji mənbələri ilə bağlı da işlər aparılmalıdır. Biz hər iki istiqamətdə işlər görürük. Ənənəvi enerji ilə bağlı layihələr ətraf mühitin qorunması tələblərinə cavab verməlidir", - deyə R.Nəcəf vurğulayıb.
Bölmənin digər xəbərləri
