RUSİYA HƏR ŞEY EDİR Kİ, ERMƏNİSTAN-AZƏRBAYCAN MÜNAQİŞƏSİ SÜLH YOLU İLƏ HƏLL OLUNSUN
O demişdir ki, münaqişənin nizama salınmasında Rusiyanın rolu vasitəçi roludur və indiki halda bu, onun sülh yolu ilə həll edilməsindən, dincliklə tənzimləmə prosesini heç nəyin geriyə atmamasından ibarətdir. L.İvaşovun sözlərinə görə, vasitəçinin əsas vəzifəsi məhz belədir və Rusiya onun həlli üçün hər şey edir.
O, Dağlıq Qarabağ münaqişəsinin həlli perspektivlərinə toxunaraq demişdir: “Bu, vaxt tələb edəcəkdir. Mənə belə gəlir ki, Ermənistan tərəfi də, Azərbaycan tərəfi də müdriklik göstərməli və prosesə kiçik addımlardan başlamalıdırlar. Zənnimcə, başlıcası, bir-birinə olan etimadı bərpa etmək, üfüqi əlaqələr yaratmaq lazımdır. Etimad yalnız bu halda bərpa edilər, münaqişəli vəziyyət yalnız bu halda aradan qaldırılar”.
Hərbi politoloq vurğulamışdır ki, Rusiyanın rolunu kiçiltmək olmaz və bu gün Rusiyanın məhz sülh prosesinin getməsi üçün gördüyü işlər, yəqin ki, ən başlıcasıdır.
