RUSİYA HÖKUMƏTİNİN SƏDRİ DAŞKƏNDDƏ ÖZBƏKİSTAN PREZİDENTİ İLƏ GÖRÜŞMÜŞDÜR
AZƏRTAC-ın xüsusi müxbiri xəbər verir ki, Rusiya hökumətinin sədri Vladimir Putinin Daşkənddə Özbəkistan Prezidenti İslam Kərimovla görüşündə ölkələr arasında siyasi, ticarət-iqtisadi, elmi-texniki, hərbi, hərbi-texniki, humanitar, investisiya sahəsində əlaqələrin dərinləşdirilməsi, habelə regionda təhlükəsizliyin və sabitliyin qorunması, terrorizm, ekstremizm, mütəşəkkil cinayətkarlıq, narkotrafiklə mübarizə məsələləri müzakirə olunmuşdur.
Vladimir Putin bildirmişdir ki, Rusiya Mərkəzi Asiya regionunda Özbəkistanı ən mühüm strateji tərəfdaşı hesab edir.
Görüşdə Özbəkistan qazının Rusiyaya Avropa qiymətləri ilə satışı məsələləri də diqqət mərkəzində olmuşdur.
Söhbət zamanı vurğulanmışdır ki, ötən il ölkələr arasında ticarət dövriyyəsi 4,2 milyard dollar olmuşdur və bu, son hədd deyildir. Özbəkistanda 500-dən artıq birgə müəssisə fəaliyyət göstərir, Rusiyanın 145 firma və şirkətinin nümayəndəliyi açılmışdır.
Bölmənin digər xəbərləri
