RUSİYA İLƏ AZƏRBAYCAN ARASINDA BÜTÜN PROBLEMLƏR ARADAN QALDIRILMIŞDIR

31.10.2006 [02:04]
Çap et
A⁺ A^-

Rusiya Azərbaycanın qonşusudur. Rusiya rəsmiləri ilə iş təcrübəmiz və onların bu münaqişənin həlli ilə bağlı apardıqları siyasət müsbətdir. Rusiya hökuməti Ermənistan-Azərbaycanın münaqişəsinin dinc yolla həlli üçün səmimi səylər göstərir. Buna görə də 1990-cı illərdə üzləşdiyimiz gərginlik dövrü sona çatmışdır. Biz Rusiya ilə Azərbaycan arasında həll edilməmiş bütün problemlərin aradan qaldırılmasına nail olmuşuq və indi münasibətlərimizi poza biləcək heç bir problem qalmamışdır. Əksinə, iqtisadi, siyasi və mədəni inkişaf sahələrində çox yaxşı nailiyyətlərimiz var.

AZƏRTAC xəbər verir ki, bu sözləri Azərbaycan Prezidenti İlham Əliyev xarici ölkələrin kütləvi informasiya vasitələrinin Rusiyada akkreditə olunmuş nümayəndələri ilə görüşündə “Russian today” qəzetinin müxbirinin sualına cavabında demişdir. Rusiya ilə Ermənistan arasında yaxşı münasibətlərin Rusiyanın Azərbaycanla da yaxşı münasibətlərinə mane olmadığını vurğulayan Prezident bildirmişdir ki, əməkdaşlıq, enerji, coğrafi mövqe, siyasi vəziyyət, geosiyasi mövqe baxımından və istənilən digər nöqteyi-nəzərdən Ermənistan ilə Azərbaycanın əhəmiyyətini, müqayisə etmək olmaz. Ona görə də bu, əlavə gərginlik yarada bilən bir element sayıla bilməz.

İlham Əliyev qaçqınlar məsələsinə də toxunmuş və söyləmişdir ki, Azərbaycan təcavüz qurbanıdır. Qaçqın həyatının nə olduğunu biz bilirik. Çeçenistandan insanlar özlərinin və ailələrinin həyatlarını müharibədən xilas etmək üçün Azərbaycana gələndə bir qonşu və dost kimi ölkəmiz ehtiyacı olan insanlar üçün öz qapılarını açdı. Burada, Qafqazda belə qəbul olunmuşdur.

RUSİYA İLƏ AZƏRBAYCAN ARASINDA BÜTÜN PROBLEMLƏR ARADAN QALDIRILMIŞDIR

MÜƏLLİFLƏ ƏLAQƏ

Bölmənin digər xəbərləri