RUSİYA XARİCİ İŞLƏR NAZİRİ SURİYAYA QADAĞALAR TƏTBİQ EDİLMƏSİ ÜÇÜN ƏSAS GÖRMÜR
Lavrov bildirmişdir ki, bu yaxınlarda ABŞ-a səfəri zamanı Suriya və Livan mövzusunu amerikalı həmkarları ılə müzakirə etmişdir. O demişdir: “Mən burada İraqa yaraqlıların Suriya ərazisindən adlamaları barədə keçmiş ittihamlarla bağlı hər hansı irəliləyişin əldə olunub-olunmadığı ilə maraqlandım. Amerikalı həmsöhbətlərim cavab verdilər ki, müsbət irəliləyişlər var. Biz Suriya rəhbərliyini qonşu ölkələrdə qanunazidd əməllərlə məşğul olan kəslərə öz ərazisindən istifadə etməyin yolverilməzliyinə bundan sonra da diqqət yetirməyə təşviq edəcəyik”.
S.Lavrov bildirmişdir ki, Moskvada səfərdə olan suriyalı həmkarı Valid Müəllimlə Suriyanın BMT Təhlükəsizlik Şurası ilə əməkdaşlığını müzakirə etmək niyyətindədir.
Bölmənin digər xəbərləri
