RUSİYA YIĞMASININ TƏRKİBİNDƏ DƏYİŞİKLİK EDİLMİŞDİR
Ölkəmizdə Rusiya İli çərçivəsində avqustun 20-də Bakıda bədii gimnastika üzrə Azərbaycan komandası ilə keçiriləcək görüşdə iştirak edəcək Rusiya yığmasının tərkibi dəyişdirilmişdir. Azərbaycan Gimnastika Federasiyasından AZƏRTAC-ın müxbirinə bildirmişlər ki, Rusiya gimnastlarının qrup komandası görüşdə iştirak etməyəcəkdir. Bakıya 4 əvəzinə 5 gənc gimnast qız gələcəkdir. Rusiya yığması ölkənin gimnastika məktəbinin ən yaxşı nümayəndələri - Olimpiya çempionu Alina Kabayeva, dünya çempionu Vera Sesina, 2005-ci ilin mütləq dünya çempionu Olqa Kapranova ilə təmsil olunacaqdır.
Bölmənin digər xəbərləri
