Rusiyada bir gündə daha 4785 koronavirus xəstəsi aşkar edilib
Moskva, 18 aprel, AZƏRTAC
Ötən gün Rusiyada daha 4785 koronavirus xəstəsi aşkar edilib.
AZƏRTAC xəbər verir ki, Rusiyada koronavirus infeksiyasına yoluxanların sayı 4785 nəfər artaraq 36 min 793 nəfərə çatıb. Gün ərzində 467 nəfər sağalıb, 40 pasiyent vəfat edib.
COVID-19 xəstəliyindən əziyyət çəkənlər Rusiyanın 79 regionunda aşkar edilib. Moskvada bu xəstəliyə yoluxanların əksəriyyəti 18-45 yaşarası insanlar, 6,5 faizi isə uşaqlardır.
Ümumilikdə, ölkədə 3057 nəfər bu xəstəlikdən sağalıb, 313 xəstə vəfat edib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
