DÜNYA
Rusiyada dövlətə xəyanətə görə ömürlük həbs cəzası tətbiq ediləcək
![Rusiyada dövlətə xəyanətə görə ömürlük həbs cəzası tətbiq ediləcək](/files/2023/1/1200x630/16826981781693950294_1200x630.jpeg)
Moskva, 28 aprel, AZƏRTAC
Rusiyada dövlətə xəyanət maddəsi üzrə ittiham olunan şəxslərə ömürlük həbs cəzası tətbiq ediləcək.
AZƏRTAC xəbər verir ki, bu barədə Rusiya Prezidenti Vladimir Putin qanun imzalayıb.
Qanuna əsasən, dövlətə xəyanət maddəsi ilə təqsirləndirilən şəxslər barəsində ömürlük həbs cəzası nəzərdə tutulur. Əvvəllər bu maddə ilə təqsirli bilinən şəxslər 20 il müddətinə azadlıqdan məhrum edilirdi. Bundan əlavə, terror aktı törədən şəxsləri 15 ildən 20 ilədək həbs cəzası gözləyir.
Yeni qanunda, həmçinin terrorçuluğa cəlb etməyə görə 5 ildən 7 ilədək, terrorçuluğa havadarlığa görə isə minimum 12 il həbs cəzası nəzərdə tutulub.
Rusiya Prezidenti ordunun nüfuzdan salınması və milli təhlükəsizliyə təhdidə görə sonradan alınmış vətəndaşlıqdan məhrumetmə barədə də qanun imzalayıb. Bundan əlavə, Rusiya vətəndaşlığı almaq üçün irəli sürülən tələblərdən 20 kateqoriya ləğv olunub. Belə ki, azı bir il müddətinə hərbi xidmət keçmək üçün müqavilə imzalamış şəxslər, İkinci Dünya müharibəsi veteranları olan keçmiş SSRİ vətəndaşları sadələşdirilmiş qaydada vətəndaşlıq ala biləcəklər.
Moskva