Rusiyada koronavirusa yoluxma statistikasında yeddi ayda ən aşağı göstərici qeydə alınıb
Moskva, 27 aprel, AZƏRTAC
Rusiyada ötən gün 8 053 koronavirus xəstəsi aşkar edilib. Bu, son yeddi ayda ən aşağı göstəricidir.
AZƏRTAC xəbər verir ki, ölkədə koronavirus xəstələrinin ümumi sayı 4 775 425 nəfərə çatıb.
Bir gündə 19 003 nəfər sağalıb, 392 nəfər vəfat edib. Ümumilikdə, Rusiyada indiyədək koronavirusdan 4 402 678 xəstə sağalıb, 108 980 nəfər vəfat edib. Hazırda ölkədə 267 767 nəfər COVID-19 xəstəsi var.
Moskvada COVID-19 xəstələrinin sayı bir gündə 2 098 nəfər artıb, 58 nəfər vəfat edib.
COVID-19 xəstələrinin sayına görə Rusiya dünyada ABŞ, Hindistan, Braziliyadan sonra dördüncü yerdədir.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
