Rusiyanın Müdafiə Nazirliyi: qəzaya uğramış “An-26” təyyarəsində 39 hərbi qulluqçu olub
Bakı, 6 mart, AZƏRTAC
Suriyanın Hmeymim aeroportu yaxınlığında Rusiyanın qəzaya uğramış “An-26” təyyarəsində 6 ekipaj üzvü və 33 sərnişin olub.
AZƏRTAC TASS informasiya agentliyinə istinadla xəbər verir ki, Rusiya Federasiyası Müdafiə Nazirliyi həlak olanların hamısının hərbi qulluqçu olduğunu bildirir. Bundan əvvəl təyyarədə 33 nəfərin olduğu barədə məlumat yayılmışdı. Nazirliyin komissiyası hadisənin bütün mümkün səbəblərini araşdırır. Həlak olanların ailə üzvlərinə zəruri kömək ediləcək.
Bölmənin digər xəbərləri
