Bakı, 29 sentyabr, AZƏRTAC

“İlk 10 dəqiqədə oyuna kifayət qədər köklənə bilmədik və iki qol buraxdıq".

AZƏRTAC xəbər verir ki, bu sözləri "Sabah" komandasının baş məşqçisi Krunoslav Renduliç Misli Premyer Liqasının VIII turunda səfərdə “Qarabağ”a 2:3 hesabı ilə məğlub olduqları oyundan sonra təşkil olunan mətbuat konfransında deyib.

O, üç top geri düşdükdən sonra hesabı bərabərləşdirməyin çətin olduğunu bildirib: "Buna baxmayaraq, komanda toparlandı və ilk hissənin sonlarında qol vura bildi. İkinci hissədə qol fürsətlərimiz olacağını gözləyirdim. Əfsuslar olsun ki, iki real qol şansından istifadə edə bilmədik. Oyunçularımı təbrik etmək istəyirəm. 0:3-dən sonra həvəsdən düşmədilər və sona kimi mübarizə apardılar. Təəssüf ki, hesabı bərabərləşdirə bilmədik. Bu oyun artıq geridə qalıb, sabahdan etibarən növbəti oyunumuza köklənməliyik”.