Sabiq nazir: Gürcüstanda mitinq iştirakçılarına qarşı kimyəvi maddədən istifadə olunub
Tbilisi, 1 dekabr, AZƏRTAC
BBC-nin iddia etdiyi kimi, Gürcüstanda Daxili İşlər Nazirliyi tərəfindən mitinq iştirakçılarına qarşı kimyəvi maddələrdən istifadə olunub. Lakin bu hadisə 2012-ci ilə qədər olub.
AZƏRTAC xəbər verir ki, bu barədə “İmedi” televiziyasına müsahibəsində Gürcüstanın sabiq daxili işlər naziri Vaxtanq Qomelauri deyib.
Sabiq nazir deyib: “Tam məsuliyyətimlə deyirəm ki, sözügedən maddələr DİN tərəfindən 2012-ci ilə qədər istifadə olunub. Həmin maddədən 2012-ci ildən sonra istifadə olunmayıb.
Bu maddələr həqiqətən də Daxili İşlər Nazirliyi tərəfindən alınaraq istifadə olunub, lakin bütün bunlar 2012-ci ilə qədər olub. Səhv etmirəmsə, sonuncu alış 2009 və ya 2010-cu illərdə aparılıb, ondan sonra DİN onları nə almayıb, nə də istifadə etməyib”.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
