Sabirabadda soğan sahələrindən 5 min tona yaxın məhsul yığılıb
Sabirabad, 21 iyul, Mahir Babayev, AZƏRTAC
Sabirabadda soğan yığımı yekunlaşmaq üzrədir. Məhsul istehsalçıları bu günədək 340 hektar soğan sahəsinin məhsulunu toplayıblar ki, bu da ümumi sahənin 89.5 faizini təşkil edir.
Rayon Statistika İdarəsindən AZƏRTAC-ın bölgə müxbirinə bildiriblər ki, sabirabadlı əkinçilər erkən yazda 3437 hektar sahədə tərəvəz əkiblər ki, bunun da 383 hektarını soğan bitkisi təşkil edir. Yığıma mütəşəkkil başlayan torpaq mülkiyyətçiləri qısa müddətdə 3340 hektar sahədən 4 min 964 ton soğan toplayıblar. Hər hektarın məhsuldarlığı 146 sentner olub.
Soğan əkini ilə ən çox rayonun Muğangəncə, Moranlı və Nizamikənd kəndlərinin əkinçiləri məşğul olur. Moranlı kənd sakini Müzəffər Qasımov bu mövsüm 3.5 hektar sahədə kartof becərib. Məhsul istehsalçısı artıq yığımı başa çatdırıb. “Becərdiyim kartof sahəsinin hər hektarından 147 sentner məhsul götürməklə 52 tondan çox soğan toplamışam. Artıq məhsulun yarıdan çoxunu satmışam. Qazancım məni qane edir. Növbəti ilə əkin sahəsini genişləndirərək 3.5-4 hektara çatdırmaq fikrindəyəm”, - deyə əkinçi bildirib.
Bölmənin digər xəbərləri
