Şabranda baş verən qəzada ölənlərin sayı 2 nəfərə çatıb
Şabran, 6 may, Elxan Yusifli, AZƏRTAC
Şabran rayonunda baş verən avtoqəzada ölənlərin sayı iki nəfərə çatıb.
AZƏRTAC-ın bölgə müxbiri xəbər verir ki, hadisə mayın 5-i gecə saatlarında Bakı-Quba-Rusiya Federasiyası sərhədi avtomobil yolunun 132-ci kilometrliyində, Şabranın Gəndob kəndi ərazisindən keçən hissəsində qeydə alınıb.
İki minik avtomobilinin toqquşması nəticəsində Bakı şəhər sakini, 1994-cü il təvəllüdlü Xəyal Əhmədxalı hadisə yerində ölüb.
Qəzada xəsarət alan digər 5 nəfər Şabran Rayon Mərkəzi Xəstəxanasına yerləşdirilib. Həkimlərin səyinə baxmayaraq, həmin şəxslərdən birinin - Quba rayon sakini, 1993-cü il təvəllüdlü Əli Əzizovun həyatını da xilas etmək mümkün olmayıb.
Quba rayon sakinləri 27 yaşlı Kənan Abdullayev, 31 yaşlı Hüseyn Babayev və 32 yaşlı Əmri Əhmədxanlının müalicəsi isə xəstəxanada davam etdirilir.
Faktla bağlı araşdırmalar davam etdirilir.
Bölmənin digər xəbərləri
