Saflığın və dürüstlüyün kitabı: “Lamançlı Don Kixot”
Bakı, 13 dekabr, AZƏRTAC
Dekabrın 13-də Xəzər Universitetində Dillər və ədəbiyyatlar departamentinin “İnteqrativ dərs” layihəsi çərçivəsində dil və ədəbiyyat müəllimliyi və filologiya ixtisası üzrə III kurs tələbələri üçün açıq dərs keçirilib.
Universitetdən AZƏRTAC-a bildirilib ki, departamentin müəllimləri Qardaşxan Əzizxanlı və Ülvi Babasoy roman tarixində “Lamançlı Don Kixot”un rolundan, onun poetikasından, həyat və sənətdə doğurduğu suallardan söz açaraq, “saflığın və dürüstlüyün” kitabını yazan Servantesin ilahi təhkiyəsindən danışıblar.
Əsərin “Leyli və Məcnun” səviyyəsində eşq dastanı olduğunu vurğulayıblar. Onlar dünya ədəbiyyatında üstün yeri olan “Lamançlı Don Kixot”dan gətirdikləri konkret misallar əsasında “mətn içində mətn” texnikası sərgiləyən, hər abzasında bənzərsiz yumoristik, ironik, parodik deyimlər olan əsərin çoxsaylı özəl xüsusiyyətlərini qeyd ediblər.
Açıq dərs tələbələrin və mühazirəçilərin qarşılıqlı sual-cavabı ilə yekunlaşıb.
Bölmənin digər xəbərləri
