ŞAGİRDLƏRİN NAİLİYYƏTLƏRİNİ QİYMƏTLƏNDİRMƏK ÜÇÜN YENİ SİSTEM TƏTBİQ OLUNUR

03.10.2005 [13:59]
Çap et
A⁺ A^-

AZƏRTAC xəbər verir ki, Təhsil Nazirliyində şagirdlərin nailiyyətlərinin qiymətləndirilməsi ilə bağlı keçirilən iclasda nazir Misir Mərdanov nəzərdə tutulan tədbirlər barədə danışmışdır. O, yeni qiymətləndirmə sisteminin tətbiqinin şagirdlərin inkişafına xidmət etməsi üçün müvafiq istiqamət üzrə məktəbin pedaqoji kollektivinin təlimatlandırılmasının və ictimaiyyətin maarifləndirilməsinin vacibliyini vurğulamışdır.

Qurumun şöbə müdiri Talıb Şərifov mövzu ilə bağlı məruzəsində məktəbdaxili qiymətləndirmənin komponentləri, şagird nailiyyətlərinin monitorinq sistemi, bu sistem üzrə fənn jurnalının quruluşu, həmçinin kurrikulum üzrə qiymətləndirmə barədə geniş məlumat vermiş və yeni sistemin artıq 4 orta məktəbdə eksperiment qaydasında tətbiq olunduğunu diqqətə çatdırmışdır.

Sonra müzakirələr aparılmış, təkliflər verilmişdir.