Sahibkarlıq Konfederasiyası üzvləri üçün onlayn təlim keçirilib
Bakı, 30 mart, AZƏRTAC
Azərbaycan Sahibkarlar Konfederasiyası və Qida Təhlükəsizliyi Agentliyi tərəfindən həyata keçirilən əməkdaşlıq çərçivəsində onlayn formatda konfederasiya üzvləri üçün silsilə təlimlər davam etdirilir.
Əməkdaşlıq çərçivəsində keçirilən növbəti təlimdə Qida Təhlükəsizliyi İnstitutunun mütəxəssisi Seymur Qafarov təqdimatla çıxış edib.
Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, qida sahəsində fəaliyyət göstərən müəssisələrdə layihələndirmə, işıqlandırma və havalandırma sisteminə dair tələblər, xammal, hazır qida məhsulları, tara, qabların təhlükəsizliyinə və keyfiyyətinə olan tələblər, düzgün daşınma və saxlanma qaydaları barədə təlim iştirakçılarına məlumat verilib.
Təlim iştirakçılarını maraqlandıran suallar cavablandırılıb.
Bölmənin digər xəbərləri
