“ŞAHİN” HƏRBİ-İDMAN OYUNUNUN MÜKAFATÇILARI MƏLUMDUR
AZƏRTAC xəbər verir ki, mayın 10-də C.Naxçıvanski adına Hərbi Liseydə “Şahin” hərbi-idman oyununun respublika final mərhələsi keçirilmişdir.Əvvəlcə Azərbaycan Respublikasının Dövlət himni səsləndirilmişdir.
Yarışların təntənəli açılış mərasimində gənclər və idman naziri Azad Rəhimov, təhsil naziri Misir Mərdanov, liseyin rəisi, general-mayor Mirzə Almasov və başqaları ümumtəhsil məktəblərinin 9-11-ci sinif şagirdləri 
arasında keçirilən “Şahin” hərbi-idman oyununun əhəmiyyətindən, gənclərin vətənpərvərlik tərbiyəsində rolundan danışmışlar.
arasında keçirilən “Şahin” hərbi-idman oyununun əhəmiyyətindən, gənclərin vətənpərvərlik tərbiyəsində rolundan danışmışlar. Bildirilmişdir ki, xalqımızın ümummilli lideri, müasir Azərbaycan dövlətinin qurucusu Heydər Əliyevin gənclərin sağlam, vətənpərvər ruhda tərbiyəsinə, işğal altında olan torpaqlarımızın geri alınmasında onların yüksək əzmkarlıq göstərməyə hazır olmasına yönəldilmiş dövlət siyasəti hazırda ölkəmizin Prezidenti İlham Əliyev tərəfindən uğurla davam etdirilir.
Xatırladaq ki, Gənclər və İdman, Mədəniyyət və Turizm,Təhsil, Müdafiə və Fövqəlada Hallar nazirliklərinin birgə təşkil etdikləri bu oyunların final mərhələsinə 19 rayon komandası vəsiqə qazanmışdır.
Bu mərhələdə komandalar sıra hazırlığı, darağa patron doldurulması və boşaldılması, avtomatın sökülməsi və yığılması, tüfəngdən hədəfə atəş açmaq və s. üzrə öz bacarıqlarını nümayiş etdirmişlər.
Yarışlarda Nəsimi rayon komandası birinci, Xətai rayonunun məktəbliləri ikinci, Naxçıvan şəhərinin təmsilçiləri isə üçüncü yeri tutmuşlar.
Komandalara diplom və qiymətli hədiyyələr təqdim olunmuşdur.
Bölmənin digər xəbərləri
