“ŞAHİN” OYUNU FİNAL MƏRHƏLƏSİNİN İŞTİRAKÇILARI PAYTAXT KÜÇƏLƏRİNDƏN MARŞLA KEÇMİŞLƏR
AZƏRTAC xəbər verir ki, mayın 9-da “Şahin” hərbi-idman oyunu final mərhələsinin iştirakçıları Fəxri xiyabana gələrək, müasir Azərbaycan dövlətinin memarı və qurucusu, 
ümummilli lider Heydər Əliyevin xatirəsini ehtiramla yad etmiş, məzarı önünə əklil qoymuşlar. Sonra onlar Şəhidlər xiyabanını ziyarət edərək, Azərbaycanın müstəqilliyi və ərazi bütövlüyü uğrunda canlarından keçmiş qəhrəman Vətən övladlarının xatirəsini hörmətlə anmış, “Əbədi məşəl” abidəsinin önünə əklil qoymuşlar.
Gənclər və idman naziri Azad Rəhimov başda olmaqla iştirakçılar, Cəmşid Naxçıvanski adına hərbi lisey orkestrinin və müdavimlərinin müşayiəti ilə Bakı İdman Sarayı-Azneft meydanı-Neftçilər prospekti-Hökumət evi marşrutunu hərbi marşla keçmişlər. Yol boyu şəhər sakinləri yürüş iştirakçılarını salamlamışlar.
Sonra Milli Parkda geniş konsert proqramı təşkil 
edilmiş və ifaçılar vətənpərvərlik əhval-ruhiyyəli mahnılar səsləndirmişlər.
edilmiş və ifaçılar vətənpərvərlik əhval-ruhiyyəli mahnılar səsləndirmişlər.Gənclər və İdman, Təhsil və Müdafiə nazirliklərinin, Respublika Müharibə, Əmək və Silahlı Qüvvələr Veteranları Şurasının, Könüllü Hərbi Vətənpərvərlik Texniki İdman Cəmiyyətinin hər il birgə təşkil etdikləri bu oyunların final mərhələsi mayın 10-da Cəmşid Naxçıvanski adına hərbi liseydə keçiriləcəkdir.
Bölmənin digər xəbərləri
