Sarayevonun mərkəzi istilik sistemində geotermal enerjidən istifadə olunacaq
Sarayevo, 22 noyabr, AZƏRTAC
Bosniya və Herseqovinanın paytaxtı Sarayevoda mərkəzi istilik sistemində geotermal enerjidən istifadə ediləcək.
AZƏRTAC xəbər verir ki, havanın çirklənməsinin qarşısını almaq üçün reallaşdırılan “yaşıl enerji” layihəsinə Avropa Yenidənqurma və İnkişaf Bankı (EBRD) tərəfindən 16 milyon avro kredit və 4 milyon avro qrant ayrılıb, müqavilələr imzalanıb.
Pilot layihə üzrə Sarayevoda mərkəzi istilik sisteminin ənənəvi enerji resursları əvəzinə geotermal mənbələr hesabına qurulması planlaşdırılır.
Qeyd edək ki, qış aylarında istiliyin əldə olunması üçün ənənəvi yanacaqlardan daha çox istifadə edildiyi üçün Sarayevo dünyada havanın ən çox çirkləndiyi şəhərlərdən biridir.
Nihad Budaqov
AZƏRTAC-ın xüsusi müxbiri
Sarayevo
Bölmənin digər xəbərləri
