Sautqeyt İngiltərə yığmasının oyunçularını dünya çempionatı zamanı simulyasiya etməməyə çağırıb
Bakı, 4 iyun, AZƏRTAC
İngiltərə futbol yığmasının baş məşqçisi Qaret Sautqeyt oyunçularla keçirdiyi görüşdə meydançada simulyasiya və Rusiyada keçiriləcək dünya çempionatının gedişi zamanı buna yol verməmək mövzusunda söhbət aparıb.
AZƏRTAC xəbər verir ki, İngiltərə komandasının rəhbəri turnirdə hakimə videoyardım sistemi tətbiq olunduğunu nəzərə alaraq, oyunçulara risk etməməyi məsləhət görüb. Bu sistem sayəsində hakim əvvəlcədən gözdən qaçırdığı simulyasiyanı görərək qərar verə bilir.
“Şənbə günü oyunçularla bu mövzuda söhbətimiz olub. Biz kimisə aldatmağa ümid etmirik, əgər fikirləşiriksə, bu, mümkündür, biz bunu yaddan çıxarmalıyıq. Biz meydanın hər bir hissəsində tarazlığı saxlamalıyıq”, - deyə Sautqeyt bildirib.
Bölmənin digər xəbərləri
