“SEÇKİ KAMPANİYASININ İŞIQLANDIRILMASINDA MEDİANIN ROLU” MÖVZUSUNDA TRENİNQ-MƏŞĞƏLƏLƏR KEÇİRİLƏCƏK
AZƏRTAC xəbər verir ki, sentyabrın 8-12-də Litvanın Bakıdakı səfirliyi və Azərbaycan Mətbuat Şurası “Seçki kampaniyasının işıqlandırılmasında medianın rolu” mövzusunda treninq-məşğələlər təşkil edəcəkdir.
Litva səfirliyində təşkil olunacaq tədbirdə 40-a yaxın jurnalistin iştirakı nəzərdə tutulmuşdur.
Treninqdə Litvada mətbuatın inkişaf yolu, medianın özünütənzimləməsi təcrübəsi, ictimai rəyə təsiri, cəmiyyətdə demokratik dəyərlərin qorunmasındakı rolu ətrafında mühazirələr oxunacaq, həmçinin ölkənin kütləvi informasiya vasitələri sahəsindəki qanunvericilik aktları təhlil olunacaq, konkret mövzularla bağlı diskussiyalar, fikir mübadilələri aparılacaqdır. Tədbirə Litva Jurnalistlər Birliyinin sədri Danius Radzeviçus və bu ölkənin digər tanınmış media mütəxəssisləri də qatılacaqlar.
Treninqin sonunda iştirakçılara müvafiq sertifikat və diplomlar təqdim olunacaqdır.
Bölmənin digər xəbərləri
