SEÇKİ MƏCƏLLƏSİ AVROPA STANDARTLARINA YAXINLAŞDIRILACAQ
Milli Məclisin deputatı, AŞPA-dakı nümayəndə heyətimizin üzvü Gültəkin Hacıyeva AZƏRTAC-ın müxbirinə demişdir ki, seçki dinamik bir prosesdir. Hər bir dövlətdə, xüsusilə də Azərbaycan kimi demokratik inkişaf yolunda ilk addımlarını atan ölkədə seçki qanunvericiliyinin təkmilləşdirilməsi ən vacib məsələlərdən biridir. İndiyədək Azərbaycan bu istiqamətdə bir sıra ciddi addımlar atmışdır, təkrar seзkilərdən sonra da belə tədbirlərin gцrьlməsi təbii qarşılanmalıdır. Çünki zaman keçdikcə siyasi şərait, cəmiyyətdəki ictimai münasibətlərin mahiyyəti də dəyişir, onları tənzimləyən yeni qanunlara, yeni normalara entiyac yaranır. Seçki prosesinə də ictimai münasibətlərin bir tərkib hissəsi kimi yanaşmaq lazımdır. Bu baxımdan da, hazırda Seçki Məcəlləsinin daha da təkmilləşdirilməsinə, Avropa standartlarına daha da yaxınlaşdırılmasına zərurət yaranmışdır. Ümummilli liderimiz Heydər Əliyevin dediyi kimi, demokratiya başlanğıcı olub, sonu olmayan bir prosesdir. Ona görə də nə qədər ki, Azərbaycan demokratiya yolu ilə irəliləyir, qanunlarımız zamanın nəbzinə uyğun olaraq təkmilləşdiriləcəkdir.
Bölmənin digər xəbərləri
