SƏFƏR BAŞA ÇATMIŞDIR
Parlament nümayəndə heyəti iyunun 5-də Vətənə qayıtmışdır.
Milli Məclisin sədri Oqtay Əsədov Heydər Əliyev beynəlxalq hava limanında jurnalistlərə demişdir ki, rəhbərlik etdiyi nümayəndə heyəti Avropa Şurası ölkələri parlament sədrlərinin Tallinn Sammitində və Finlandiya parlamentinin 100 illik yubileyinə həsr edilmiş tədbirlərdə iştirak etmiş, Latviyada olmuşdur.
Tədbirlər çərçivəsində Oqtay Əsədov Finlandiya Respublikasının Prezidenti xanım Tarya Halonen, Estoniya parlamentinin sədri Tumas Varek, Avropa Şurası Parlament Assambleyasının sədri Rene van der Linden, Rumıniya Parlamentinin sədr müavini Teodor Meleşkanu, Gürcüstan parlamentinin sədri Nino Burcanadze, Latviya Seyminin sədri xanım İnqrida Udre, Latviya-Azərbaycan parlamentlərarası əməkdaşlıq qrupunun üzvləri və digər rəsmi şəxslərlə görüşmüşdür.
Milli Məclisin sədri bildirmişdir ki, bu görüşlərdə ikitərəfli və çoxtərəfli əlaqələrin inkişafı, siyasi, iqtisadi, mədəni və digər sahələrdə əməkdaşlığın genişləndirilməsi ilə bağlı məsələlər müzakirə olunmuşdur.
Oqtay Əsədovu Milli Məclis sədrinin birinci müavini Ziyafət Əsgərov, müavin Valeh Ələsgərov və digər rəsmi şəxslər qarşılamışlar.
Bölmənin digər xəbərləri
