Şəhid ailəsi üzvü olan 15 müəllim iş yerini dəyişdirmək imkanı qazanıb
Bakı, 26 aprel, AZƏRTAC
Şəhid ailələrinin üzvləri üçün aprelin 20-dən 25-dək keçirilən müəllimlərin iş yerinin dəyişdirilməsi müsabiqəsinin vakansiya seçimi mərhələsinin nəticələri elan olunub.
Təhsil İnstitutunun nəzdindəki İnsan Resursları Mərkəzindən AZƏRTAC-a bildirilib ki, namizədlər şəxsi səhifələrinə daxil olaraq vakansiya seçiminin nəticələri ilə tanış ola bilərlər.
Elektron yerləşdirmə zamanı şəhid ailəsi üzvü olan 15 müəllim iş yerini dəyişdirmək imkanı qazanıb. Növbəti mərhələdə uğur qazanan namizədlərin sənədlərinin yoxlanılması prosesi həyata keçiriləcək.
Qeyd edək ki, uğur qazanan namizədlərin sənədləri yoxlanıldıqdan sonra uyğun gələnlər tutduqları vakansiyaya təyin olunacaqlar. Sənədlərin yoxlanılması prosesi ilə bağlı məlumat namizədlərin şəxsi səhifəsinə göndəriləcək.
Bölmənin digər xəbərləri
