Şəhidlər ən yüksək hörmət və ehtirama layiqdirlər
Bakı, 20 yanvar, AZƏRTAC
Özlərinə əbədiyyət heykəli ucaldan 20 Yanvar şəhidləri xalqımızın qəhrəmanlıq tarixində həmişə yaşayacaq və xatırlanacaq. Neçə illər keçsə də, onların Vətən və xalq naminə gördükləri işə yüksək dəyər veriləcək.
AZƏRTAC-a müsahibəsində bu barədə danışan 20 Yanvar İctimai Birliyinin sədri Sultan Əzimzadə qeyd edib ki, şəhidlər hər cür hörmət və ehtirama layiqdirlər.
Həmin faciə zamanı şəhid olanların ailələri və hadisə zamanı yaralananlar dövlətin hərtərəfli qayğısı ilə əhatə olunublar. Son beş ildə şəhid ailələrinə və əlillərə 78 mənzil və 107 minik avtomobili verilib.
Bundan başqa, Prezidentin Fərmanına əsasən, 20 Yanvar şəhidi fəxri adı alanların ailələrinə 300 manat, həmin hadisələri zamanı əlil olanlara isə əlillik dərəcəsindən asılı olaraq 110 manatdan 165 manatadək aylıq təqaüd təyin edilib. Həmçinin 20 Yanvar şəhidlərinin vaxtilə yaşadıqları bina və mənzillərə onların barelyefi vurulub.
Sultan Əzimzadə bildirib ki, 20 Yanvar İctimai Birliyi də şəhid ailələrinin qayğı və problemlərin həllində yaxından iştirak etməyə, onlara lazımi kömək göstərməyə çalışır.
Bölmənin digər xəbərləri
